close
露露的朋友都知道我一直好少食中餐, 更加少去酒樓,
但今次之後, 令我開始欣賞中國的美味菜餚!
今次帶大家去品嚐的正宗潮州菜, (其實露露都係第一次食, HA!)
位於旺角新世紀廣場的 <百樂潮州酒樓 >於今年初開業!
<百樂潮州酒樓>
Pak Loh Chiu Chow Restaurant
‧旺角太子道西193號新世紀廣場5樓523號舖
‧2390 0834/ 2390 0835
‧星期一至日: 11:00am-23:00pm
今次好開心可以同blogger們一齊品嚐美食!
先黎頭盤:
<涼拌魚皮> $48
‧豐富魚脂的魚皮配上惹味醬汁調味, 惹味爽脆
‧魚皮厚厚的脂肪層充滿膠質,
再加用魚露, 拌入薑絲、芹絲及紅椒絲, 十分開胃
<秘製生醃螄蚶> $48
‧材料新鮮
‧處理手法乾淨, 外殼沒泥積
‧肉質鮮嫩清甜, 焯得岩岩好
‧再用蒜頭、芫茜、醬油及辣椒醃過
露露第一次食呢個菜, 覺得好特別!
主菜方面:
重頭戲‧鎮店之寶<白烚凍花蟹王> 時價
‧每隻王花蟹都經過百樂潮州的嚴格挑選, ，足足有1呎半長, 新鮮生猛
‧師傅精準計算過的白烚過程, 烚完再浸凍水,
將蟹肉的肉質保持鮮嫩彈牙, 鮮味完全帶出
‧蟹蓋滿滿的蟹膏, 甘香清甜
‧將蟹肉再點一下醋提鮮, 好正啊!
露露比較怕食有殼類食物, 但呢味<白烚凍花蟹王>一剝見到殼&肉分開,
可以大啖大啖食, 一定要材料好新鮮先做得到!
有美餚當然要配酒la, 今次我地試左< Keiler Beet – Wheat> $38
露露好鍾意品嚐美酒, 但對啤酒一向一般,
因為覺得啤酒味道太苦澀,
但呢枝<Keiler beet>非常易入口,
唔會有一般啤酒好苦澀的味道, 特別岩女士飲,
我當晚都飲左差唔多2枝!
<潮州滷水拼盤> $350
‧有鵝腸、鵝肉、豆腐、豬肚等
‧鵝腸爽脆帶點脂香
‧豬肚好爽口
‧豆腐滷得入味
露露覺得它家的滷水系列唔會太咸, 仲帶有甜口
<滷水豬蹄筋> $88
其他地方較少有的菜式
‧炆得非常淋身, 滷得入味
‧豬腳筋柔韌有彈性, 一口咬落去滿滿的膠質
好喜歡它 >3<
<鹵水鵝肝> $120
‧滷得入味
‧外表結實, 但入口溶化
煎鵝肝露露食得多, 但<鹵水鵝肝>真係第一次食,
竟然有另一番風味! (可惜一次唔可以食太多塊)
<潮陽炸雙棗 (8粒)> $104
‧豬肉與蝦蟹肉的比例約是7:3, 保留海鮮的原味
‧蝦棗及蟹棗內加入了馬蹄, 爽口彈牙
露露最愛食炸物, 每一啖都有蝦肉&蟹肉, 好鍾意呢個配搭
<豉油皇煎倉魚球 > $208
‧魚肉香滑彈牙
<碧綠川椒雞球> $108
‧雞肉嫩滑
‧川椒葉炸到好香口
<沙爹牛肉炒芥蘭> $98
‧牛肉炒到岩巳好, 唔會太老
<香煎蠔仔烙> $196
‧打冷菜色必備
‧厚度薄身&乾身, 蛋味濃郁而不會過份油膩
‧內裡蠔仔份量十份, 啖啖都有肥美的蠔仔
呢款菜係露露最喜愛的!
食左禁多主菜之後, 個肚已經開始好飽la,
之後準備俾大家的係比較清淡的2款粥
‧<蠔仔粥一窩> $110
‧<方魚肉碎粥一窩> $96
露露選擇食<方魚肉碎粥>
‧方魚令粥底更甘香, 每啖都有肉碎
食完靚粥再飲返杯<功夫茶>, 中和返岩岩的味道,
之後當然要品嚐甜品la!
其實原本已經好飽, 但一見到d甜品即係眼前一亮!
(整日都話女人有2個胃家, haha!!)
甜品準備左3款:
<鴛鴦水晶包> $42
‧有豆沙&奶皇味
‧皮薄餡多, 甜而不漏
‧size可以一啖放入口中
<福果甜芋泥> $35
‧潮州菜有名氣的甜品
‧將芋頭蒸熟壓成蓉後混合砂糖, 再用中火不停鏟動至軟滑, 好考技巧
芋泥的質感十分幼滑, 入口好香甜, 露露好鍾意它
<反砂芋條> $98
‧一件/一粒, 一粒粒方便女士入口
‧一道非常講究烹調功夫的潮州甜點
‧將芋頭切成手指般大小, 加入沙糖炒勻至芋頭塊乾身及香脆
(功夫難度: 是先把沙糖下鑊慢火炒溶成液狀, 芋頭條繼續炒,
芋頭條在炒熟的同時要全條被糖液全包裹,
並慢慢轉乾回沙糖狀全包裹著芋頭條)
‧外面是香甜又香脆的糖衣
‧內裏是粉嫩芋香的芋頭
令人一試即刻愛上了它!
其實仲有好多好好味的菜式家, 不過一次試唔晒,
希望下次帶屋企人一齊黎品嚐!
想了解更加<百樂潮州酒樓>, 可以到:
官方網站:
Facebook:
***是次產品&資料由<百樂潮州酒樓>提供,
如需要更多產品資訊, 請自行聯絡品牌查詢***
<<本文章內容純屬個人分享，並不代表該品牌之言論及立場>>
產品試用、活動等歡迎Contact露露:
Facebook Fans Page:
Youtube:
Open Rice Link:
http://www.openrice.com/restaurant/userinfo.htm?userid=540979&con=rvwerWeibo:
個人Blog:
Beauty Bolg:
全站熱搜
留言列表
