close
露露最鍾意同一班姊妹周圍去食!
今次我地5個女仔一齊黎到屯門VCity一間充滿懷舊感覺的餐廳
--- <羅麥記>
我地黎到門口已經好興奮, 因為好似返到以前!
餐廳裝潢好用心, 無論牆身, 台椅, 連餐牌都好似學生手冊,
充滿懷舊的氣息!
一打開餐牌之後我地樣樣都想食, 而且仲全日免加一!
haha!選擇困難症又出現啦!
最後參考左<羅麥記>十大推介
首先, 我地5個叫左一大堆小食:
我地係雞翼fans, 叫左3種唔同口味,
<羅麥雞翼（原味/辣味）>
它家的鹵水雞翼好入味, 而且雞肉嫩滑,
露露偏愛辣味多d
<避風塘雞翼>
露露最愛, 外層鬆脆, 內層肉層嫩嫩的,
再加點辣辣的感覺, 超正!!
<避風塘鮮魷>
又係露露的最愛, 魷魚新鮮彈牙,
再帶點辣味, 醒精開胃!
<水牛芝士炸雲吞>
香濃的芝士經炸後融化, 咬落去時芝士的香味溢出,
令人回味無窮!
之後到主菜出場:
皇牌<麥sir乳鴿仔>
它的特別之處係先鹵後炸, 令味道更濃郁!
而且細細隻, 岩晒幾個女仔share
<蝦多士>
露露推薦品之一,
滿滿的蝦膠彈牙而帶有蝦味
配上蔥花芝麻, 烘脆可口!
<磚頭白汁海鮮飯>
內層係炒飯底, 上面係白汁海鮮
再將2者焗製!
濃濃的芝士, 再淋白汁,
超美味!! 女仔一定最愛!!
飲品方面露露選擇左呢杯<紅豆冰粒粒奶茶>
它的冰係用紅豆做的, 好特別, 不過奶茶有d甜!
食得太多野, 所以甜品我地只叫左2個!
<雪花西多士>
西多士既內有花生醬粒, 加堆糖霜, 好似雪一樣,
而且正正方方一粒一粒, 方便女仔入口
<香蕉船>
見到它就有懷舊的感覺
不過味道沒有特別驚喜
我地幾個女仔一路傾計, 一路品嚐美食,
渡過左開心的一晚, 下次再同大家分享美食啦!
<羅麥記>分店:
屯門鄉事會路83號V City 1樓11號舖
太古康山道1號康怡廣場1樓F20舖
將軍澳貿業路8號新都城中心2期2樓2028-2031號舖
<<本文章內容純屬個人分享，並不代表該品牌之言論及立場>>
產品試用、活動等歡迎Contact露露:
Facebook Fans Page:
Intagam:
Youtube:
Open Rice:
Weibo:
個人Blog:
Beauty Bolg:
全站熱搜
留言列表
