好姊妹開始計劃結婚,想找地點方便、又夢幻的婚宴地點,
週末一齊去左位於愉景新城參加<婚嫁體驗市集>
到左門口就見到以綠色草叢為主的門口,
入面亦以淺綠色為主的花園設計,簡潔優雅又帶點夢幻~
宴會廳的接待處是一個小型花園,周圍放滿色彩繽紛的花朵,
中間有一張古典的沙發,可以移動用作證婚、拍照~
旁邊亦有2-3張沙發用作休憩,
設計亦以古典的歐式傢俱、擺設~
宴會廳分A及B廳,最多可以擺40席,
亦可以分開,A廳擺27席,B廳擺10席,
2個廳中間仲有小空間,
可以開10台麻雀,早到的賓客可以有娛樂~
參觀當日B廳茶市中,所以只參觀左A廳,
舞台中間是一大副綠色草坪,兩旁的玻璃櫃放滿色彩繽紛的花朵,
好似戶內的小花園~
旁邊有白色三角鋼琴伴奏,仲有精美的結婚蛋糕~
新娘房有2間,一間位於宴會廳外,用作證婚準備;
另一間位於宴會廳內,用作晚宴新婚準備、休息,
空間都好闊落,仲提供蒸氣熨斗、衣櫃、梳化以及獨立廁所等設備~
參觀當日仲有一些請帖、結婚花束、新人回禮禮物等資訊,
有好多新創意,要慢慢收集資料~
整個場地以歐陸花圃設計,天花板上吊著一個個鳥籠,好特別,
非常優雅、舒適,有種清新的園林氣息,
將整個花園搬左入戶內,我同好姊妹都好鍾意呢個場地,
而且地點交通方便,好近鐡路、又有好多巴士~
全站熱搜